بسم الله الرحمن الرحيم
السلام عليكم ورحمة الله وبركاته
اولا ... القصيده التي اضعها بين يديكم طريفه نوعا مــا
ثانيا .. يعلم الله اني اكن لهذا الوطن بجميع جهاته كل الحب والتقدير
لكن .......
العرق والاصل دائم الحنين في قلوبنا
وانا اصلي شمالي
فـــــــ ... لا تلوموني
شفته وصابتني عيونه بتشويـش
لبيـه ياعيـنـه ولبـيـه كـلـه
نظرات عينه تسبي العقل بشويش
يومه برمش العين شافـن وسلـه
قرب وانا كلي مهابـه وتطنيـش
مقهوره من الزيـن وابغـى اذلـه
زينه كما عذرا بها الغنج والطيش
سبحان من صـور جمالـه ودلـه
لاحط مكياجن ولا جـاه تغشيـش
وسكسوكتن حطت ثمانيـن علـه
ايلاعب السبحه بالاصباع واطيش
محضوضتن والحظ قام وركع لـه
يومه بدا بالهرج ثم قال لي ليـش
خطوات رجلش واقفه فـي محلـه
يابنت انا ابغاش يابنت واغليـش
قلبي عقب فرقاش يابنت مـن لـه
جاني عقب هرجه مغثه وتشويش
والقلب صد وعـاف زينـه وكلـه
بغيت ردي مايجي فيـه تنويـش
دار السعد حنا تحت عرش ضلـه
نبقى وطن واحد ولو فيه تحريـش
ارضن لنـا والطيـب فينـا يبلـه
بس القلوب اليوم كلـه دراويـش
يحن عـرق القلـب يمـه يتلـه
يم الشمال ويم حلـو المطاريـش
وبيوتهـم تسـوى ثمانيـن فلـه
نبضي شمالي حي نبضن به اعيش
ياخافقـي افـزع ورح لـه وقلـه
رجالهم حرن كساه اشقر الريـش
ياسعد عين اللي غدو عزوتن لـه
الشمــــــريه
ليست هناك تعليقات:
إرسال تعليق